Rysáit berffaith ar gyfer defnyddio unrhyw gaws dros ben.
Risoto cig oen Cymru, berwr y gerddi a chaws Parma
Risoto cig oen Cymru, berwr y gerddi a chaws Parma
Daw’r rysáit risoto cig oen hon gan Hybu Cig Cymru ac mae’n ffordd wych o ddefnyddio unrhyw gig oen sydd dros ben ac ychydig o gynhwysion, mae'n flasus! Gallwch hefyd ychwanegu llysiau sydd wedi dechrau mynd yn hen i'r pryd hwn, er enghraifft, seleri a moron. Torrwch a’u coginio gyda’r winwnsyn yn y rysáit.
Gan Hybu Cig Cymru
Yn gweini 2
Amser Paratoi/Coginio: 20-30 munud
Cynhwysion
225g o stêcs coes Cig Oen Cymru heb lawer o fraster, wedi'u torri'n giwbiau bach
1 llwy de o olew olewydd
1 winwnsyn, wedi'i dorri
Cofiwch wirio'ch rhewgell am winwnsyn dros ben y gallech fod wedi'i dorri a'i rewi o'r blaen
150g o reis risoto (Arborio)
600ml o stoc
Gwnewch eich stoc gyda chroen llysiau ar gyfer dewis amgen blasus a maethlon yn lle ciwbiau stoc – ac mae’n rhatach hefyd!
Pupur du
50g o bys siwgr, wedi'u sleisio
50g o bys wedi'u rhewi
Dail berwr y gerddi
Caws Parma
Dognau delfrydol
Defnyddiwch ein cyfrifydd dognau - dyma ffordd syml a chyflym o wirio faint o'r bwyd hwn i'w weini fesul pryd bwyd.
Defnyddiwch y cyfrifydd dognauRysáit
Cofiwch ddadmer eich cig yn yr oergell a’i ddefnyddio cyn pen 24 awr, neu mewn microdon ar ‘dadmer’ yn union cyn ei ddefnyddio.
Cynheswch olew olewydd mewn sosban a choginio’r ciwbiau cig oen heb lawer o fraster a’r winwnsyn.
Ychwanegwch y reis risoto a’i droi’n drylwyr.
Ychwanegwch y stoc a’i ferwi ac yna ychwanegu blas a’i fudferwi’n ysgafn am tua 30 munud neu tan fod y reis wedi coginio a’r holl hylif wedi’i amsugno. (Ychwanegwch ychydig mwy o stoc i gyflawni’r gweadedd / cysondeb dymunol).
Yn ystod 5 munud olaf yr amser coginio, ychwanegwch y pys melys a’r pys wedi’u rhewi, eu cymysgu a’u coginio tan fod y darnau siwgr yn dechrau toddi.
Ychwanegwch flas a gorffen y pryd gyda llond llaw o ferwr y gerddi a chaws Parma.
Cofiwch rewi unrhyw ddognau nad ydych yn eu bwyta y tro hwn i’w harbed rhag mynd i’r bin. Dyma ffordd wych o arbed amser ar gyfer pryd o fwyd syml ar gyfer diwrnod arall pan fyddwch efallai’n brysur. Yn syml, cofiwch ei ddadmer yn yr oergell a’i ddefnyddio cyn pen 24 awr.
Mae’r rysáit hon yn gweithio’n llawn cystal gyda chig wedi’i rewi. Gwiriwch beth sydd gennych yn y rhewgell a dadrewi cig yn drylwyr cyn ei goginio.
Manteisio i’r eithaf ar eich bwyd dros ben
Storio mewn
Cynhwysydd aerglos
Amser
Oergell am 2 ddiwrnod, rhewgell am 3-6 mis
Ble i’w storio
Oergell neu rewgell
Aildwymo
Dylid ei ail gynhesu yn y ffwrn neu ficrodon tan ei fod yn chwilboeth. Ail-gynheswch unwaith yn unig
Dognau delfrydol
Defnyddiwch ein cyfrifydd dognau - dyma ffordd syml a chyflym o wirio faint o'r bwyd hwn i'w weini fesul pryd bwyd.
Defnyddiwch y cyfrifydd dognauOs gwnaethoch fwynhau’r rysáit hon, rhowch gynnig ar
Pryd blasus a hawdd i'r teulu – pryd o fwyd gwych ar gyfer defnyddio cyw iâr heb ei goginio dros ben o'ch barbeciw.
Mae hwn yn ddewis arall gwych i ginio rhost clasurol, ac mor hawdd: y cyfan sydd angen i chi ei wneud mewn gwirionedd yw torri ychydig o lysiau!
Dyma wledd gyflym a blasus iawn ar gyfer dydd gŵyl San Steffan sy’n defnyddio twrci dros ben, a gellir ei weini gydag unrhyw lysiau gwyrdd sydd dros ben. Gwnewch yn siŵr bod gennych chi ychydig o fara crystiog i'w dipio yn y saws hefyd!
Y tro-ffrio cyflymaf, hawsaf! Browniwch eich briwgig, tro-ffrio'r llysiau a bydd y pryd hwn yn barod mewn llai na 30 munud.
Gwnewch y mwyaf o'ch tatws a chreu'r Patatas Bravas anhygoel yma gyda gwedd Brydeinig arnynt, a ddyfeisiwyd gan Albert Bartlett.
Mae'r pryd pasta tiwna hwn yn wych ar gyfer amser swper ac mae'n defnyddio pasta sych, tiwna tun a thomatos wedi'u torri.
Perffaith ar gyfer llysieuwyr (ac addas i ddiet figan os ydych chi'n peidio â chynnwys y caws) mae'r Bolognese corbys hwn yn opsiwn gwych i swper ar gyfer y penwythnos am £1.40 y pen yn unig. Rydym ni'n addo na fydd cigysyddion hyd yn oed yn gweld colli'r cig!
Ffordd hawdd, blasus a llawn siocled i achub y pwdin Nadolig hwnnw sydd dros ben rhag mynd i'r bin gan Gogydd Cenedlaethol yr Alban, Gary Maclean.
Dyma bastai bysgod sy’n defnyddio topin crwst nad oes angen ei rolio, dim ond ei gratio!
Cadwch eich oergell ar 5°C neu’n oerach
Wyddoch chi y gallai newid tymheredd eich oergell helpu i gadw eich bwyd am dri diwrnod yn hirach nag arfer? Dyna ichi lwyddiant ar gyfer cadw eich bwyd yn ffres yn hirach. Gall ein teclyn tymheredd oergell eich helpu i ddysgu sut i newid y tymheredd ar eich brand oergell penodol chi.