Mae cogydd, tiwtor coginio a pherchennog busnes bwyd Pop yng Nghaeredin, Steve Brown, yn rhannu ei rysáit risoto ar thema Calan Gaeaf.
Bolognese corbys
Bolognese corbys
Perffaith ar gyfer llysieuwyr (ac addas i ddiet figan os ydych chi'n peidio â chynnwys y caws) mae'r Bolognese corbys hwn yn opsiwn gwych i swper ar gyfer y penwythnos am £1.40 y pen yn unig. Rydym ni'n addo na fydd cigysyddion hyd yn oed yn gweld colli'r cig!
Gan Hoffi Bwyd, Casáu Gwastraff
Yn gweini 4
Amser Paratoi/Coginio: 1 awr+
Cynhwysion
1 llwy fwrdd o olew olewydd
1 winwnsyn
1 foronen
1 coesyn seleri
2 ewin garlleg, wedi'i fathru
250g o gorbys coch sych
2 x tun 400g o domatos wedi'u torri
1 llwy fwrdd o biwrî tomato
1 llwy de o oregano sych
1 llwy de o deim sych
2 ddeilen llawryf
500ml o stoc llysiau
250g o sbageti
Caws Parma neu gaws caled llysieuol/figan, wedi'i gratio, i weini
Dognau delfrydol
Defnyddiwch ein cyfrifydd dognau - dyma ffordd syml a chyflym o wirio faint o'r bwyd hwn i'w weini fesul pryd bwyd.
Defnyddiwch y cyfrifydd dognauRysáit
Torrwch eich winwnsyn, moronen a seleri yn fân a chynhesu’r olew mewn sosban fawr ac yna ychwanegu’r llysiau wedi’u torri a’r garlleg. Coginiwch yn ysgafn am 15-20 munud tan fod popeth wedi meddalu. Ychwanegwch y corbys, y ddau dun o domatos wedi’u torri, y piwrî tomato, y perlysiau a’r stoc a’i fudferwi, yna ei goginio am 40-50 munud tan fod y corbys yn frau ac yn sawrus ac yna ychwanegu ychydig o ddŵr i mewn os oes angen ac ychwanegu blas.
Cadwch ef ar wres isel tra byddwch yn coginio’r sbageti, gan ddilyn cyfarwyddiadau’r pecyn ac yna gweini’r Bolognese gyda sbageti a digon o gaws.
Gellir oeri saws a’i storio yn yr oergell am hyd at 2 ddiwrnod neu yn y rhewgell am hyd at 3 mis. Pa rydych am ei fwyta ar ôl ei rewi, mae’n bwysig ei ddadmer dros nos ar dymheredd ystafell a’i ailgynhesu’n ysgafn.
Manteisio i’r eithaf ar eich bwyd dros ben
Storio mewn
Cynhwysydd aerglos
Amser
Oergell am 2 ddiwrnod, rhewgell 3 mis
Ble i’w storio
Oergell neu rewgell
Aildwymo
Dylid ei ail gynhesu yn y ffwrn neu ficrodon tan ei fod yn chwilboeth. Ail-gynheswch unwaith yn unig.
Dognau delfrydol
Defnyddiwch ein cyfrifydd dognau - dyma ffordd syml a chyflym o wirio faint o'r bwyd hwn i'w weini fesul pryd bwyd.
Defnyddiwch y cyfrifydd dognauOs gwnaethoch fwynhau’r rysáit hon, rhowch gynnig ar
Roedd Michael a Savanah yn enillwyr ein cystadleuaeth ysgolion ar thema Calan Gaeaf, 'Peidiwch â Bod ag Ofn Eich Sbarion' mewn partneriaeth â Scottish Business in the Community a Good Family Food.
Pryd blasus a hawdd i'r teulu – pryd o fwyd gwych ar gyfer defnyddio cyw iâr heb ei goginio dros ben o'ch barbeciw.
Mae saladau grawn yn eich llenwi ac yn faethlon, ac yn gweithio'n dda iawn gyda ffrwythau ffres, sy'n ychwanegu lliw, gwead a blas.
Mae Sascha yn Hugh Grierson Organic, fferm deuluol yn Swydd Perth, yn dangos i ni sut i roi sbeis i’r briwgig a’r thatws hynny ar Noson Calan Gaeaf.
Os oes gennych chi datws wedi'u coginio dros ben i'w defnyddio, o'r oergell neu'r rhewgell, beth am roi cynnig ar y rysáit flasus a syml hon gan Blas y Tir.
Mae hwn yn ddewis arall gwych i ginio rhost clasurol, ac mor hawdd: y cyfan sydd angen i chi ei wneud mewn gwirionedd yw torri ychydig o lysiau!
Dyma wledd gyflym a blasus iawn ar gyfer dydd gŵyl San Steffan sy’n defnyddio twrci dros ben, a gellir ei weini gydag unrhyw lysiau gwyrdd sydd dros ben. Gwnewch yn siŵr bod gennych chi ychydig o fara crystiog i'w dipio yn y saws hefyd!
Ffordd syml o greu pryd blasus o'ch tatws a chig moch dros ben. Mae Le Creuset yn argymell eich bod yn ei fwynhau gyda brocoli wedi'i stemio neu salad gwyrdd ffres gydag ychydig o lemon.
Y tro-ffrio cyflymaf, hawsaf! Browniwch eich briwgig, tro-ffrio'r llysiau a bydd y pryd hwn yn barod mewn llai na 30 munud.
Cadwch eich oergell ar 5°C neu’n oerach
Wyddoch chi y gallai newid tymheredd eich oergell helpu i gadw eich bwyd am dri diwrnod yn hirach nag arfer? Dyna ichi lwyddiant ar gyfer cadw eich bwyd yn ffres yn hirach. Gall ein teclyn tymheredd oergell eich helpu i ddysgu sut i newid y tymheredd ar eich brand oergell penodol chi.