Stiw cig eidion gyda thwmplenni mewn crochan araf
Stiw cig eidion gyda thwmplenni mewn crochan araf
Os ydych chi'n bwriadu gadael y popty araf ymlaen tra yn y gwaith gallech chi gwblhau rhai o'r camau hyn y noson gynt a rhoi'ch cig a'ch llysiau yn yr oergell cyn eu hychwanegu at y pot yn y bore.
Cynhwysion
Dognau delfrydol
Defnyddiwch ein cyfrifydd dognau - dyma ffordd syml a chyflym o wirio faint o'r bwyd hwn i'w weini fesul pryd bwyd.
Defnyddiwch y cyfrifydd dognauRysáit
Cofiwch ddadmer eich cig yn yr oergell a’i ddefnyddio cyn pen 24 awr, neu mewn microdon ar ‘dadmer’ yn union cyn ei ddefnyddio.
Mae’r rysáit hon yn gweithio’n llawn cystal gyda chig wedi’i rewi. Gwiriwch beth sydd gennych yn y rhewgell a dadrewi cig yn drylwyr cyn ei goginio.
Cynheswch yr olew o’ch dewis mewn padell ffrio fawr cyn ffrio’r ewin garlleg yn ysgafn.
Cymerwch y cig eidion wedi’i ddeisio a’i orchuddio â llond llaw o flawd mewn dysgl ar wahân gyda phinsiad o halen a phupur.
Unwaith y bydd y cig wedi’i orchuddio’n llawn rhowch y garlleg yn y badell ffrio a’i ffrio’n uchel am ychydig funudau tan fod y cig yn frown.
Rhowch y cig i mewn i’r crochan araf a throi’r gwres i lawr.
Ffriwch eich winwns a’ch llysiau wedi’u torri o’ch dewis am 5 munud cyn eu hychwanegu eto at y crochan araf.
Cymysgwch y ciwb stoc mewn 600ml o ddŵr cynnes.
Ychwanegwch win coch neu ychydig o’ch stoc a throi’r gwres i fyny am ychydig funudau i lanhau, neu ‘disgleinio’, eich padell. Gair ffansi yw Disgleinio i gael yr holl ddarnau brown oddi ar y gwaelod! Rhowch y cynnwys yn y popty araf.
Ychwanegwch weddill eich stoc, y gwin coch, y saws Swydd Gaerwrangon, neu berlysiau fel dail llawryf o bouquet de garni a allai fod gennych yn y cwpwrdd.
Rhowch y crochan araf ar uchel am 5 awr neu ar isel am 8 awr.
I wneud y twmplenni cymysgwch 50 gram o siwet gyda 100 gram o flawd codi a thua 5 llwy fwrdd o ddŵr. Gallwch ychwanegu halen, persli neu deim ar yr adeg hon yn dibynnu ar eich dewis.
Tylino’r toes gyda’ch dwylo tan ei fod yn gadarn ond yn hyblyg a’i siapio’n 8 pelen o does.
Hanner awr cyn i chi gynllunio i fwyta eich stiw rhowch eich peli twmplen ar ei ben a gadael iddyn nhw frownio.
Gweinwch y stiw yn boeth, rydym ni’n ei hoffi gyda thatws stwnsh a phys.
Cofiwch rewi unrhyw ddognau nad ydych chi’n eu bwyta y tro hwn i’w harbed rhag mynd i’r bin. Dyma ffordd wych o arbed amser ar gyfer pryd o fwyd syml ar gyfer diwrnod arall pan fyddwch efallai’n brysur. Yn syml, dylid ei ddadmer yn yr oergell a’i ddefnyddio cyn pen 24 awr.
Manteisio i’r eithaf ar eich bwyd dros ben
Dognau delfrydol
Defnyddiwch ein cyfrifydd dognau - dyma ffordd syml a chyflym o wirio faint o'r bwyd hwn i'w weini fesul pryd bwyd.
Defnyddiwch y cyfrifydd dognauOs gwnaethoch fwynhau’r rysáit hon, rhowch gynnig ar
Roedd Michael a Savanah yn enillwyr ein cystadleuaeth ysgolion ar thema Calan Gaeaf, 'Peidiwch â Bod ag Ofn Eich Sbarion' mewn partneriaeth â Scottish Business in the Community a Good Family Food.
Rysáit berffaith ar gyfer defnyddio unrhyw gaws dros ben.
Pryd blasus a hawdd i'r teulu – pryd o fwyd gwych ar gyfer defnyddio cyw iâr heb ei goginio dros ben o'ch barbeciw.
Mae Sascha yn Hugh Grierson Organic, fferm deuluol yn Swydd Perth, yn dangos i ni sut i roi sbeis i’r briwgig a’r thatws hynny ar Noson Calan Gaeaf.
Os oes gennych chi datws wedi'u coginio dros ben i'w defnyddio, o'r oergell neu'r rhewgell, beth am roi cynnig ar y rysáit flasus a syml hon gan Blas y Tir.
Mae hwn yn ddewis arall gwych i ginio rhost clasurol, ac mor hawdd: y cyfan sydd angen i chi ei wneud mewn gwirionedd yw torri ychydig o lysiau!
Ffordd syml o greu pryd blasus o'ch tatws a chig moch dros ben. Mae Le Creuset yn argymell eich bod yn ei fwynhau gyda brocoli wedi'i stemio neu salad gwyrdd ffres gydag ychydig o lemon.
Mae'r blasau gwin cynnes y mae'r cyw iâr wedi'i goginio ynddo yn flasus wedi'i weini â thatws stwnsh cennin hufennog neu datws pob neu gallech hyd yn oed ei weini â chwscws. Gweinwch gyda llysiau tymhorol neu fresych coch wedi’i frwysio.
Y tro-ffrio cyflymaf, hawsaf! Browniwch eich briwgig, tro-ffrio'r llysiau a bydd y pryd hwn yn barod mewn llai na 30 munud.
Yn ffefryn mewn bwytai Tsieineaidd, gellir gweini'r crempogau melys-moes-mwy hyn yn lle bara gyda llawer o brydau, neu gyda saws sbeislyd ar gyfer dipio fel rhan o bryd o fwyd Tsieineaidd.
Cadwch eich oergell ar 5°C neu’n oerach
Wyddoch chi y gallai newid tymheredd eich oergell helpu i gadw eich bwyd am dri diwrnod yn hirach nag arfer? Dyna ichi lwyddiant ar gyfer cadw eich bwyd yn ffres yn hirach. Gall ein teclyn tymheredd oergell eich helpu i ddysgu sut i newid y tymheredd ar eich brand oergell penodol chi.