Roedd Michael a Savanah yn enillwyr ein cystadleuaeth ysgolion ar thema Calan Gaeaf, 'Peidiwch â Bod ag Ofn Eich Sbarion' mewn partneriaeth â Scottish Business in the Community a Good Family Food.
Omled Sbaenaidd gyda phwdin du
Omled Sbaenaidd gyda phwdin du
Swper cyflym a blasus, byddwch yn greadigol a defnyddiwch unrhyw damaid blasus sydd gennych dros ben yn eich oergell!
Gan Hoffi Bwyd, Casáu Gwastraff
Yn gweini 4
Amser Paratoi/Coginio: 20 munud
Cynhwysion
Pwdin du dros ben
2 taten wedi'u berwi, a’u sleisio
Nid oes angen eu plicio, dim ond eu golchi’n dda!
½ selsigen chorizo, heb y croen ac wedi’u sleisio’n ddarnau fel ceiniog
½ pupur coch, wedi'i sleisio
Llond llaw o sbigoglys
½ winwnsyn, wedi'i sleisio
Gall winwns sydd dros ben gael eu deisio a'u rhewi mewn cynhwysydd aerglos.
6 wy
30g caws Parma, wedi'i gratio
Sblash o laeth
Halen a phupur i ychwanegu blas
Dognau delfrydol
Defnyddiwch ein cyfrifydd dognau - dyma ffordd syml a chyflym o wirio faint o'r bwyd hwn i'w weini fesul pryd bwyd.
Defnyddiwch y cyfrifydd dognauRysáit
Cynheswch badell dros wres canolig ac ychwanegu’r chorizo a’i adael i ffrio am funud neu ddwy, tan fod yr olew yn dechrau rhyddhau.
Ychwanegwch y winwnsyn a’r pupur a’u coginio tan eu bod yn dechrau meddalu.
Ychwanegwch y pwdin du, y tatws a’r sbigoglys a’u ffrio am ychydig funudau eto.
Yn y cyfamser, curwch yr wyau, y llaeth, yr halen a’r pupur gyda’i gilydd mewn dysgl fawr.
Ychwanegwch yr wyau i’r sosban, gan sicrhau eich bod chi’n cael haen gyfartal a’i adael i goginio ar wres isel/canolig am tua 5 munud, neu tan fod yr wy ar y top yn dechrau coginio.
Tra bod ychydig o siglad ar ôl yn yr wy, gwasgarwch y caws dros ben y cymysgedd a throsglwyddo’r sosban i gril poeth tan ei fod wedi setio (gwnewch yn siŵr eich bod yn gadael yr handlen yn sticio allan fel nad yw’n toddi neu’n llosgi’ch llaw!)
Tynnwch yr omled wedi’i goginio o’r badell i blât mawr, ei sleisio a’u weini gyda salad.
Manteisio i’r eithaf ar eich bwyd dros ben
Storio mewn
Cynhwysydd aerglos
Amser
2 ddiwrnod
Ble i’w storio
Oergell
Aildwymo
Dylid ei ail gynhesu yn y ffwrn neu ficrodon tan ei fod yn chwilboeth. Ail-gynheswch unwaith yn unig.
Dognau delfrydol
Defnyddiwch ein cyfrifydd dognau - dyma ffordd syml a chyflym o wirio faint o'r bwyd hwn i'w weini fesul pryd bwyd.
Defnyddiwch y cyfrifydd dognauOs gwnaethoch fwynhau’r rysáit hon, rhowch gynnig ar
Pryd blasus a hawdd i'r teulu – pryd o fwyd gwych ar gyfer defnyddio cyw iâr heb ei goginio dros ben o'ch barbeciw.
Mae Sascha yn Hugh Grierson Organic, fferm deuluol yn Swydd Perth, yn dangos i ni sut i roi sbeis i’r briwgig a’r thatws hynny ar Noson Calan Gaeaf.
Os oes gennych chi datws wedi'u coginio dros ben i'w defnyddio, o'r oergell neu'r rhewgell, beth am roi cynnig ar y rysáit flasus a syml hon gan Blas y Tir.
Mae hwn yn ddewis arall gwych i ginio rhost clasurol, ac mor hawdd: y cyfan sydd angen i chi ei wneud mewn gwirionedd yw torri ychydig o lysiau!
Dyma wledd gyflym a blasus iawn ar gyfer dydd gŵyl San Steffan sy’n defnyddio twrci dros ben, a gellir ei weini gydag unrhyw lysiau gwyrdd sydd dros ben. Gwnewch yn siŵr bod gennych chi ychydig o fara crystiog i'w dipio yn y saws hefyd!
Ffordd syml o greu pryd blasus o'ch tatws a chig moch dros ben. Mae Le Creuset yn argymell eich bod yn ei fwynhau gyda brocoli wedi'i stemio neu salad gwyrdd ffres gydag ychydig o lemon.
Y tro-ffrio cyflymaf, hawsaf! Browniwch eich briwgig, tro-ffrio'r llysiau a bydd y pryd hwn yn barod mewn llai na 30 munud.
Yn ffefryn mewn bwytai Tsieineaidd, gellir gweini'r crempogau melys-moes-mwy hyn yn lle bara gyda llawer o brydau, neu gyda saws sbeislyd ar gyfer dipio fel rhan o bryd o fwyd Tsieineaidd.
Gwnewch y mwyaf o'ch tatws a chreu'r Patatas Bravas anhygoel yma gyda gwedd Brydeinig arnynt, a ddyfeisiwyd gan Albert Bartlett.
Cadwch eich oergell ar 5°C neu’n oerach
Wyddoch chi y gallai newid tymheredd eich oergell helpu i gadw eich bwyd am dri diwrnod yn hirach nag arfer? Dyna ichi lwyddiant ar gyfer cadw eich bwyd yn ffres yn hirach. Gall ein teclyn tymheredd oergell eich helpu i ddysgu sut i newid y tymheredd ar eich brand oergell penodol chi.