Skip page header and navigation
Potatoes in a pile

46%

OF THE POTATOES
WE BUY ARE WASTED

Buy Loose to Waste Less.

Grefi cartref ar gyfer twrci rhost

Grefi cartref ar gyfer twrci rhost

Mae gennym ni'r rysáit perffaith ar gyfer grefi cartref i gyd-fynd â'ch twrci rhost.
Gan Hoffi Bwyd, Casáu Gwastraff
Yn gweini 4
Amser Paratoi/Coginio: 10-15 munud
Grefi trwchus, llyfn mewn cwch grefi gwyn yn barod i’w weini

Cynhwysion

1 peint o ddŵr, a faint bynnag sydd ei angen arnoch yn ychwanegol i gael y trwch o’ch dewis
Seleri, moronen a winwnsyn, wedi'u torri'n fras
Defnyddiwch lysiau dros ben
Croen llysiau o'r gwaith paratoi ar gyfer y swper
1 ciwb o stoc cyw iâr neu lysiau
1 llwy fwrdd o flawd plaen

Dognau delfrydol

Defnyddiwch ein cyfrifydd dognau - dyma ffordd syml a chyflym o wirio faint o'r bwyd hwn i'w weini fesul pryd bwyd.

Defnyddiwch y cyfrifydd dognau

Rysáit

  1. Yn gyntaf, rhostiwch eich twrci ar drybedd o lysiau wedi’u torri’n fras - seleri, moron a winwns - a fydd yn rhoi sylfaen flasus i chi ar gyfer eich grefi. Gallwch hefyd ychwanegu rhai perlysiau tuag at ddiwedd yr amser rhostio os dymunwch. Mae rhosmari, teim a saets i gyd yn gweithio’n dda.

  2. Tra’ch bod chi’n paratoi’r llysiau ar gyfer eich cinio Nadolig, cadwch y croen. Ie, wir! Ychwanegwch tua pheint o ddŵr i sosban a’i ferwi ac yna ychwanegu croen y moron, pannas a winwns ar hyd y ffordd a chrwyn llysiau a pherlysiau, beth bynnag sydd gennych chi – mae’r cyfan yn ychwanegu blas!

  3. Pan fydd eich twrci wedi coginio, gadewch iddo orffwys a gorffen y grefi.

  4. Ychwanegwch y ciwb stoc at eich padell o ddŵr, a rhoi eich padell twrci ar yr hob. Gan ddefnyddio stwnsiwr tatws, dechreuwch dorri’r llysiau sydd ar ôl yn y badell. Dylai fod yn dywyll iawn ac wedi’i garameleiddio - peidiwch â phoeni os yw’n edrych fel ei fod wedi llosgi!

  5. Ychwanegwch y blawd i’r badell, yna arllwyso eich stoc hylif tra rydych yn dal ati i stwnsio nes ei fod i gyd wedi’i gymysgu’n dda a’i dewychu.

  6. Rhowch y grefi yn ôl yn y sosban trwy ridyll i ddal yr holl ddarnau o lysiau, yna ychwanegu blas a’i gadw’n gynnes tan fod angen ei ddefnyddio. Ychwanegwch unrhyw sudd sy’n casglu o’r twrci i gael hyd yn oed mwy o flas!

  7. Cofiwch rewi unrhyw grefi nad ydych yn ei ddefnyddio’r tro hwn i’w arbed rhag mynd yn wastraff. Gallwch ei ddefnyddio fel sylfaen flasus ar gyfer ryseitiau eraill fel cawl, stiwiau a risoto. Y cwbl fydd angen i chi wneud fydd ei ddadmer yn yr oergell a’i ddefnyddio cyn pen 24 awr, neu yn y microdon ar ‘ddadmer’ yn union cyn ei ddefnyddio.

Manteisio i’r eithaf ar eich bwyd dros ben
Storio mewn
Cynhwysydd aerglos
Amser
Oergell am 2 ddiwrnod, rhewgell am 3-6 mis
Ble i’w storio
Oergell neu rewgell
Aildwymo
Mewn sosban ar yr hob neu'r microdon nes ei fod yn chwilboeth.

Dognau delfrydol

Defnyddiwch ein cyfrifydd dognau - dyma ffordd syml a chyflym o wirio faint o'r bwyd hwn i'w weini fesul pryd bwyd.

Defnyddiwch y cyfrifydd dognau

Os gwnaethoch fwynhau’r rysáit hon, rhowch gynnig ar

Y tu mewn i oergell gyda rhywun yn newid y deial tymheredd ynddi

Cadwch eich oergell ar 5°C neu’n oerach

Wyddoch chi y gallai newid tymheredd eich oergell helpu i gadw eich bwyd am dri diwrnod yn hirach nag arfer? Dyna ichi lwyddiant ar gyfer cadw eich bwyd yn ffres yn hirach. Gall ein teclyn tymheredd oergell eich helpu i ddysgu sut i newid y tymheredd ar eich brand oergell penodol chi.