Rysáit

1. Cofiwch ddadmer eich cig! Dylech ei ddadmer yn yr oergell a’i ddefnyddio cyn pen 24 awr, neu mewn microdon ar ‘dadmer’ yn union cyn ei ddefnyddio.

   Mae’r rysáit hon yn gweithio’n llawn cystal gyda chig wedi’i rewi. Gwiriwch beth sydd gennych yn y rhewgell a dadrewi cig yn drylwyr cyn ei goginio. 

2. Cymysgwch gynhwysion y marinâd gyda’i gilydd mewn dysgl nes bydd y cyw iâr wedi’i orchuddio. Gorchuddiwch y cyw iâr a’i yn yr oergell i farinadu am o leiaf 2 awr.

3. I baratoi’r saws cynheswch 1 llwy fwrdd o olew mewn sosban ac ychwanegu’r winwnsyn a’i ffrio’n ysgafn am 5 munud tan ei fod wedi meddalu ond heb frownio. Ychwanegwch y sinsir a’r tyrmerig a’i goginio am 1 munud.

4. Arllwyswch y llaeth cnau coco i mewn, a’i ferwi’n raddol yna troi’r gwres i lawr a’i fudferwi, wedi’i orchuddio am 15 munud. Torrwch y coriander yn fras, gan gynnwys y coesynnau, a’i ychwanegu at y saws a pharhau i fudferwi am 5 munud yna tynnu’r sosban oddi ar y gwres a blendio’r cymysgedd gyda chymysgydd llaw nes ei fod yn llyfn.

5. Cynheswch sosban ac ychwanegu’r cyw iâr a’r marinâd, a’i dro-ffrio dros wres cymedrol am 10 munud. Ychwanegwch y ffa gwyrdd a’i goginio am 5 munud arall. Yn olaf arllwyswch y saws dros y cyw iâr ac yna ychwanegu’r pupur a’i fudferwi am 5-10 munud neu nes bydd y cyw iâr wedi coginio drwyddo.

6. I wneud y peli reis gludiog, gan ddefnyddio dwylo gwlyb, rholiwch y reis yn 6 pêl siâp cyfartal a’i roi ar blât anfetelaidd, eu gorchuddio a’u rhoi yn y microdon tan eu bod yn chwilboeth.

7. AWGRYM

   Ar gyfer reis melys, ychwanegwch groen a sudd leim cyn ei rolio’n beli. Mae cyw iâr wedi’i goginio yn gweithio’n dda yn y rysáit drwy ond lleihau’r amser coginio i 10 munud gan sicrhau bod y cyw iâr wedi’i gynhesu’n drylwyr cyn ei weini. Dylid oeri reis wedi’i goginio sydd dros ben yn gyflym ac yna ei storio yn yr oergell am hyd at 24 awr. Gellir ei fwyta’n oer neu ei ailgynhesu tan ei fod yn chwilboeth. Mae’r pryd hwn yn gweithio’n dda gyda llysiau eraill hefyd, gallech chi roi cynnig ar ychwanegu moron wedi’u coginio ar y diwedd neu hyd yn oed llond llaw o bys wedi’u rhewi neu courgette wedi’u sleisio. Os oes gennych chi goriander ffres dros ben, beth am ei dorri’n fân a’i rewi mewn clawr ciwbiau rhew wedi’u llenwi â dŵr. Unwaith y byddant wedi rhewi, tynnu’r rhew allan a’u storio yn y rhewgell mewn bag rhewgell neu dwb plastig. Y tro nesaf y bydd rysáit yn galw am goriander ffres bydd gennych beth yn barod ar flaenau eich bysedd.

8. Opsiynau Llysieuol

   Newidiwch y cyw iâr am doffw caled a defnyddiwch bast Thai llysieuol.

9. Awgrymiadau ar gyfer Rhewi a Storio

   Gellir rhewi’r saws sbâr a’i ddadmer yn yr oergell a’i ddefnyddio i greu cyri Thai o’ch dewis. Storiwch unrhyw gyri cyw iâr wedi’i goginio sydd dros ben wedi’i orchuddio yn yr oergell a’i fwyta cyn pen 48 awr.