Skip page header and navigation
Potatoes in a pile

46%

OF THE POTATOES
WE BUY ARE WASTED

Buy Loose to Waste Less.

Teisen oergell siocled dros ben

Teisen oergell siocled dros ben

Mae'r deisen oergell hawdd ei gwneud hon yn ffordd wych o ddefnyddio wyau Pasg siocled sydd dros ben, ac mae'n gwneud trît hyfryd ar gyfer y prynhawn!

Gallwch hefyd ddefnyddio unrhyw fath arall o fisged blaen, a gallwch ddefnyddio unrhyw gymysgedd o gnau neu ffrwythau sych a allai fod gennych yn eich cypyrddau cegin.
Gan Hoffi Bwyd, Casáu Gwastraff
Yn gweini 8
Amser Paratoi/Coginio: 10-20 munud
Trionglau trwchus o deisen siocled o’r oergell gyda bisged wenith a malws melys

Cynhwysion

300g o wyau Pasg wedi'u torri – gall fod yn gymysgedd o siocled tywyll, gwyn neu blaen
250g o fisgedi gwenith
Neu unrhyw fath arall o fisged blaen.
125g o fenyn
150g o surop melyn
75g o resins
Defnyddiwch unrhyw gymysgedd o gnau neu ffrwythau sych sydd gennych.
75g o gnau cymysg, wedi'u torri'n fras
I addurno: cymysgedd o ddanteithion wyau Pasg dros ben

Dognau delfrydol

Defnyddiwch ein cyfrifydd dognau - dyma ffordd syml a chyflym o wirio faint o'r bwyd hwn i'w weini fesul pryd bwyd.

Defnyddiwch y cyfrifydd dognau

Rysáit

  1. Defnyddiwch bapur pobi i leinio dysgl neu dun hirsgwar, gan adael mwy o bapur yn gorwedd dros yr ochr ac yna ei roi i un ochr.

  2. Nesaf, rhowch y bisgedi mewn bag a’u malu â rholbren ac yna eu rhoi i’r ochr.

  3. Rhowch bowlen gwrth-wres dros sosban o ddŵr sy’n mudferwi ac yna ychwanegu’r siocled wedi torri, y surop melyn a’r menyn. Trowch yn ofalus nes eu bod wedi toddi gyda’i gilydd ac yna tynnu’r ddysgl oddi ar y gwres.

  4. Ychwanegwch y bisgedi wedi’u torri, y rhesins a’r cnau wedi’u torri i mewn i’r gymysgedd a’u cymysgu’n dda i orchuddio popeth yn llwyr.

  5. Trosglwyddwch i’r ddysgl neu dun â phapur, gan ddefnyddio llwy bren i wthio’r cymysgedd i bob cornel.

  6. Gwasgarwch felysion dros y gymysgedd cyn ei roi yn yr oergell i oeri am 2-3 awr.

  7. Gan ddefnyddio ymylon y papur pobi, codwch a’i drosglwyddo i fwrdd a’i dorri’n dafelli, yna ei weini a’i fwynhau.

  8. Cofiwch rewi unrhyw ddognau nad ydych yn eu bwyta y tro hwn i’w harbed rhag mynd i’r bin. Dyma ffordd wych o arbed amser a chael pryd o fwyd syml ar gyfer diwrnod arall pan fyddwch efallai’n brysur.

    Dylech ddadrewi dognau wedi’u rhewi yn yr oergell a’u defnyddio o fewn 24 awr, neu gallech eu dadrewi yn y microdon ar ‘defrost’ yn syth cyn eu defnyddio. 

Manteisio i’r eithaf ar eich bwyd dros ben
Storio mewn
Cynhwysydd aerglos
Amser
Oergell am 2 ddiwrnod, rhewgell am 3 mis
Ble i’w storio
Oergell neu rewgell
Aildwymo
Ddim yn berthnasol

Dognau delfrydol

Defnyddiwch ein cyfrifydd dognau - dyma ffordd syml a chyflym o wirio faint o'r bwyd hwn i'w weini fesul pryd bwyd.

Defnyddiwch y cyfrifydd dognau

Os gwnaethoch fwynhau’r rysáit hon, rhowch gynnig ar

Y tu mewn i oergell gyda rhywun yn newid y deial tymheredd ynddi

Cadwch eich oergell ar 5°C neu’n oerach

Wyddoch chi y gallai newid tymheredd eich oergell helpu i gadw eich bwyd am dri diwrnod yn hirach nag arfer? Dyna ichi lwyddiant ar gyfer cadw eich bwyd yn ffres yn hirach. Gall ein teclyn tymheredd oergell eich helpu i ddysgu sut i newid y tymheredd ar eich brand oergell penodol chi.