Mae cogydd, tiwtor coginio a pherchennog busnes bwyd Pop yng Nghaeredin, Steve Brown, yn rhannu ei rysáit risoto ar thema Calan Gaeaf.
Quesadilla
Quesadilla
Trawsnewidiwch eich bwyd dros ben gyda'r rysáit quesadilla. Byddant yn gwneud cinio, swper neu fyrbryd gwych, a dim ond munudau y byddant yn eu cymryd i'w rhoi at ei gilydd. Mae'r rysáit yn defnyddio darnau sbâr o lysiau o'r oergell ond mae unrhyw beth iawn, byddwch yn greadigol!
Gan Tony Singh
Yn gweini 4
Amser Paratoi/Coginio: 20-30 munud
Cynhwysion
Llysiau dros ben fel moron, maip, seleriac, pupur coch a melyn (wedi'u deisio)
250g o gaws, defnyddiwch beth bynnag sydd gennych yn yr oergell
2 tsili coch, hadau wedi'u tynnu
6 ewin o arlleg, wedi'i fathru, neu 2 lwy de o biwrî garlleg
Darn 2 fodfedd o sinsir, wedi'i blicio a'i dorri'n fân
1 winwnsyn coch canolig, wedi'i blicio a'i sleisio
1½ llwy de o hadau cwmin
1 llwy de cwmin
1 llwy de o paprica
6 shibwns, wedi'u sleisio'n fân
50g coriander ffres, wedi'i dorri'n fras
Sudd a chroen un leim
3 llwy fwrdd o sôs coch
Tortilas
Olew olewydd i rostio, olew llysiau i ffrio
Halen i ychwanegu blas
Dognau delfrydol
Defnyddiwch ein cyfrifydd dognau - dyma ffordd syml a chyflym o wirio faint o'r bwyd hwn i'w weini fesul pryd bwyd.
Defnyddiwch y cyfrifydd dognauRysáit
Cynheswch y ffwrn i 180°C/160°C ffan/350°F.
Mewn dysgl, ychwanegwch y gwreiddlysiau gyda’r pupurau, y tsili, yr hadau cwmin a phaprica a phinsiad o halen gyda’r olew olewydd a’u rhoi ar glawr pobi a’u rhostio am 20 munud.
Yn y cyfamser, cynheswch sblash o olew mewn padell ffrio ar wres canolig. Pan fydd yn dechrau creu mwg, ychwanegwch y winwns a’u ffrio am 2 funud. Wrth ei droi, ychwanegu’r garlleg, y tsili, y sinsir a’r cwmin a’i goginio am 5 munud wrth droi. Os bydd yn dechrau glynu, ychwanegwch 3 llwy fwrdd o ddŵr a pharhau i goginio am weddill y 5 munud.
Tynnwch oddi ar y gwres a’i roi mewn dysgl a’i oeri am 5 munud. Ychwanegwch y sôs coch, coriander, sudd leim, shibwns a chaws a’u cymysgu’n ysgafn.
Unwaith y bydd y gwreiddlysiau wedi coginio, dylid eu tynnu o’r ffwrn a’u gadael i oeri am 5 munud. Cymysgwch y gwreiddlysiau gyda’r gymysgedd caws a’i flasu. Addaswch gyda halen a phupur os oes angen.
Rhowch tortila ar yr arwyneb gwaith a thaenwch ⅛ o’r cymysgedd drosto.
Plygwch hanner arall y tortila fel bod gennych hanner cylch. Ailadroddwch gyda’r holl ddarnau tortila eraill.
Cynheswch badell ffrio dros wres canolig gyda sblash o olew llysiau ynddo a rhoi eich tortila wedi’i lenwi yn y badell (neu ddau os oes gennych le) a’i goginio am 2 i 3 munud cyn ei droi drosodd yn ofalus a’i ffrio am 2 i 3 munud arall. Dylai’r ddwy ochr fod yn hyfryd a brown - ac ychydig yn grimp! Gweinwch gyda salad o’ch dewis a gwacamole a salsa.
Awgrym: Os oes unrhyw gymysgedd ar ôl bydd yn cadw yn yr oergell am ddau ddiwrnod i’w ddefnyddio eto, neu mae’n wych ar datws pob neu mewn omled. Gall y quesadillas hefyd gael eu cadw yn yr oergell hyd at ddiwrnod ymlaen llaw, felly mae’n fwyd parti gwych i’w gael yn barod!
Manteisio i’r eithaf ar eich bwyd dros ben
Storio mewn
Cynhwysydd aerglos
Amser
Oergell am 24 awr
Ble i’w storio
Oergell
Aildwymo
Dylid ei ail gynhesu yn y ffwrn neu ficrodon tan ei fod yn chwilboeth. Ail-gynheswch unwaith yn unig.
Dognau delfrydol
Defnyddiwch ein cyfrifydd dognau - dyma ffordd syml a chyflym o wirio faint o'r bwyd hwn i'w weini fesul pryd bwyd.
Defnyddiwch y cyfrifydd dognauOs gwnaethoch fwynhau’r rysáit hon, rhowch gynnig ar
Roedd Michael a Savanah yn enillwyr ein cystadleuaeth ysgolion ar thema Calan Gaeaf, 'Peidiwch â Bod ag Ofn Eich Sbarion' mewn partneriaeth â Scottish Business in the Community a Good Family Food.
Mae saladau grawn yn eich llenwi ac yn faethlon, ac yn gweithio'n dda iawn gyda ffrwythau ffres, sy'n ychwanegu lliw, gwead a blas.
Mae Sascha yn Hugh Grierson Organic, fferm deuluol yn Swydd Perth, yn dangos i ni sut i roi sbeis i’r briwgig a’r thatws hynny ar Noson Calan Gaeaf.
Os oes gennych chi datws wedi'u coginio dros ben i'w defnyddio, o'r oergell neu'r rhewgell, beth am roi cynnig ar y rysáit flasus a syml hon gan Blas y Tir.
Mae hwn yn ddewis arall gwych i ginio rhost clasurol, ac mor hawdd: y cyfan sydd angen i chi ei wneud mewn gwirionedd yw torri ychydig o lysiau!
Ffordd syml o greu pryd blasus o'ch tatws a chig moch dros ben. Mae Le Creuset yn argymell eich bod yn ei fwynhau gyda brocoli wedi'i stemio neu salad gwyrdd ffres gydag ychydig o lemon.
Y tro-ffrio cyflymaf, hawsaf! Browniwch eich briwgig, tro-ffrio'r llysiau a bydd y pryd hwn yn barod mewn llai na 30 munud.
Oeri’r cacennau yn yr oergell yn hytrach na’u pobi yn y ffwrn yw'r allwedd i'r deisen ffrwythau, cnau syml ond ysblennydd hon sy'n plesio bron pawb ac sy'n wych ar gyfer eich gweini i’ch gwesteion.
Yn ffefryn mewn bwytai Tsieineaidd, gellir gweini'r crempogau melys-moes-mwy hyn yn lle bara gyda llawer o brydau, neu gyda saws sbeislyd ar gyfer dipio fel rhan o bryd o fwyd Tsieineaidd.
Cadwch eich oergell ar 5°C neu’n oerach
Wyddoch chi y gallai newid tymheredd eich oergell helpu i gadw eich bwyd am dri diwrnod yn hirach nag arfer? Dyna ichi lwyddiant ar gyfer cadw eich bwyd yn ffres yn hirach. Gall ein teclyn tymheredd oergell eich helpu i ddysgu sut i newid y tymheredd ar eich brand oergell penodol chi.