Rysáit berffaith ar gyfer defnyddio unrhyw gaws dros ben.
Pitsa bach ar gyfer parti
Pitsa bach ar gyfer parti
Gellir gosod y pitsas bach hyn a'u rhewi o flaen llaw, felly'r cyfan sydd angen i chi ei wneud yw eu tynnu allan o'r rhewgell a'u coginio ar glawr pobi wedi'u rhewi. Gallech dorri cylchoedd o sylfaen pitsa parod 30cm ar gyfer pitsa mwy dilys. Gallech roi unrhyw fara sydd dros ben mewn bag a'i roi yn y rhewgell i'w ddefnyddio'n ddiweddarach ar gyfer briwsion bara.
Gan Caroline Marson
Yn gweini 20
Amser Paratoi/Coginio: 30 munud
Cynhwysion
8 tafell o fara
Dewiswch unrhyw dopin o’r hyn sydd yn eich oergell a'ch cwpwrdd storio. Dyma dri chyfuniad da:
Ham a chaws
2 lwy fwrdd o dopin pitsa neu saws pasta
Unrhyw ham wedi'i sleisio
2 lwy fwrdd o gaws hufen neu gaws caled wedi'i gratio
Cennin syfi wedi’u torri
Mae croeso ichi gyfnewid hwn am berlysiau sych neu ffres eraill sydd gennych eisoes – mae perlysiau sych yn gweithio llawn cystal.
Caws glas a siytni winwns
2 lwy fwrdd o dopin pitsa neu saws pasta
Caws glas, fel Stilton, wedi'i friwsioni
Siytni winwns
Shibwns
Pizzas Groegaidd bach
2 lwy fwrdd o dopin pitsa neu saws pasta
Olewydd du, wedi'u haneru
Tafelli o bupur coch neu domatos bach
Caws Feta
Dail basil (dewisol)
Dognau delfrydol
Defnyddiwch ein cyfrifydd dognau - dyma ffordd syml a chyflym o wirio faint o'r bwyd hwn i'w weini fesul pryd bwyd.
Defnyddiwch y cyfrifydd dognauRysáit
Cynheswch y gril ymlaen llaw a brownio’r tafelli o fara ar un ochr yn unig a’u torri’n gylchoedd bach gan ddefnyddio torrwr toes 4.5cm.
Cynheswch y ffwrn i 200°C (400°F) marc 6 a rhoi’r cylchoedd ar glawr pobi.
Paratowch y topin o’ch dewis a thynnu unrhyw gaws neu gigoedd dros ben o’r oergell cyn rhoi llwy de fach o dopin pitsa neu saws ar bob cylch; trefnwch y topins o’ch dewis dros y saws.
Pobwch yn y ffwrn am tua 5 munud neu tan fod y pitsas wedi cynhesu drwodd a’r caws yn frown euraidd a’u gweini’n boeth.
I rewi ymlaen llaw: Cwblhewch y rysáit hyd at ddiwedd cam 3 a’u rhewi ar glawr gwastad, yna eu casglu a’u storio mewn cynhwysydd aerglos a’u rhewi am hyd at 3 mis.
I’w ddefnyddio: Rhowch ar glawr pobi a’u coginio o’r rhewgell am 10 munud ar 200°C (400°F) marc 6.
Manteisio i’r eithaf ar eich bwyd dros ben
Storio mewn
Cynhwysydd aerglos
Amser
Oergell am 2 ddiwrnod, rhewgell 3 mis
Ble i’w storio
Oergell neu rewgell
Aildwymo
Coginiwch y pitsas wedi'u rhewi am 10 munud
Dognau delfrydol
Defnyddiwch ein cyfrifydd dognau - dyma ffordd syml a chyflym o wirio faint o'r bwyd hwn i'w weini fesul pryd bwyd.
Defnyddiwch y cyfrifydd dognauOs gwnaethoch fwynhau’r rysáit hon, rhowch gynnig ar
Yn berffaith fel cwrs cyntaf ysgafn cyn cinio Nadolig moethus, mae eog wedi’i gochi ar gael yn hawdd mewn pecynnau bach sy'n golygu y gallwch chi sicrhau nad ydych chi'n prynu mwy nag sydd ei angen arnoch chi.
Os nad ydych erioed wedi rhoi cynnig ar y ffefryn brecinio hwn fel pryd sawrus, rydych chi'n colli allan. Mae hefyd yn ffordd wych o ddefnyddio hen fara – perffaith ar gyfer brecwast, cinio neu swper!
Dyma wledd gyflym a blasus iawn ar gyfer dydd gŵyl San Steffan sy’n defnyddio twrci dros ben, a gellir ei weini gydag unrhyw lysiau gwyrdd sydd dros ben. Gwnewch yn siŵr bod gennych chi ychydig o fara crystiog i'w dipio yn y saws hefyd!
Yn yr achos hwn, mae wedi'i wneud â risoto madarch gwyllt sydd dros ben a hen dafelli o fara gwyn. Mae’n grensiog ar y tu allan gyda rhosmari a rhannau trioglyd o fadarch a chaws ar y tu mewn. Perffaith!
Ffordd hawdd, blasus a llawn siocled i achub y pwdin Nadolig hwnnw sydd dros ben rhag mynd i'r bin gan Gogydd Cenedlaethol yr Alban, Gary Maclean.
Dyma bastai bysgod sy’n defnyddio topin crwst nad oes angen ei rolio, dim ond ei gratio!
Lluniwyd y rysáit cawl clasurol gan ein partner, Chefs @ School, i gael disgyblion i feddwl am fwyd a sut i'w arbed rhag mynd i’r bin. A fyddech chi'n rhoi cynnig arni gyda'ch rhai bach?
Dyma bryd teuluol blasus ar gyfer canol yr wythnos sy’n defnyddio cynhwysion o’r cwpwrdd bwyd a sbeisys gyda pheli cig ychwanegol i’w rhewi ar gyfer ail bryd.
Mae'r fersiwn cyflym hwn o bitsa yn flasus, yn gyflym i'w wneud ac yn amlbwrpas. Gallwch ddefnyddio pob math o gynhwysion a'i lwytho â llawer o wahanol dopin.
Cadwch eich oergell ar 5°C neu’n oerach
Wyddoch chi y gallai newid tymheredd eich oergell helpu i gadw eich bwyd am dri diwrnod yn hirach nag arfer? Dyna ichi lwyddiant ar gyfer cadw eich bwyd yn ffres yn hirach. Gall ein teclyn tymheredd oergell eich helpu i ddysgu sut i newid y tymheredd ar eich brand oergell penodol chi.