Yn berffaith fel cwrs cyntaf ysgafn cyn cinio Nadolig moethus, mae eog wedi’i gochi ar gael yn hawdd mewn pecynnau bach sy'n golygu y gallwch chi sicrhau nad ydych chi'n prynu mwy nag sydd ei angen arnoch chi.
Saws bara
Saws bara
Ffordd wych o ddefnyddio bara ychwanegol, ac mae’n haws nag y byddech yn feddwl!
Gan Hoffi Bwyd, Casáu Gwastraff
Yn gweini 4
Amser Paratoi/Coginio: 30-45 munud
Cynhwysion
120g o friwsion bara – gwyn neu frown, defnyddiwch beth bynnag sydd gennych
1 winwnsyn gwyn mawr
Llond llaw o glofs
1 deilen llawryf
1 peint o laeth
50g o fenyn
Halen a phupur du newydd ei falu
Pinsiad o nytmeg (dewisol)
Dognau delfrydol
Defnyddiwch ein cyfrifydd dognau - dyma ffordd syml a chyflym o wirio faint o'r bwyd hwn i'w weini fesul pryd bwyd.
Defnyddiwch y cyfrifydd dognauRysáit
Pliciwch y winwnsyn a’i sleisio’n ei hanner, ac yna ychwanegu’r clof.
Rhowch y winwnsyn, y ddeilen llawryf, y clof a’r llaeth mewn sosban a’i ferwi’n araf, gan ei droi weithiau fel nad yw’n llosgi ac yna ei dynnu oddi ar y gwres a gadael iddo oeri am 15 munud.
Tynnwch y winwnsyn, y ddeilen llawryf a’r clof o’r llaeth wedi’i oeri, a throi’r briwsion bara i mewn i’r gymysgedd.
Dychwelwch y sosban ar y gwres a’i goginio’n ysgafn am 5-10 munud, gan ei droi weithiau tan fod y briwsion bara wedi amsugno’r holl hylif. Os yw’r saws ychydig yn rhy denau at eich dant, mae’n bosibl ychwanegu mwy o friwsion bara i gyflawni’r gwead dymunol.
Ychwanegwch y menyn ac ychwanegu blas gyda halen, pupur a nytmeg.
Manteisio i’r eithaf ar eich bwyd dros ben
Storio mewn
Cynhwysydd aerglos
Amser
Oergell am 24 awr, rhewgell 3 mis
Ble i’w storio
Oergell neu rewgell
Aildwymo
Rhowch y pryd yn y ffwrn neu ficrodon tan ei fod yn chwilboeth. Ail-gynheswch unwaith yn unig.
Dognau delfrydol
Defnyddiwch ein cyfrifydd dognau - dyma ffordd syml a chyflym o wirio faint o'r bwyd hwn i'w weini fesul pryd bwyd.
Defnyddiwch y cyfrifydd dognauOs gwnaethoch fwynhau’r rysáit hon, rhowch gynnig ar
Os nad ydych erioed wedi rhoi cynnig ar y ffefryn brecinio hwn fel pryd sawrus, rydych chi'n colli allan. Mae hefyd yn ffordd wych o ddefnyddio hen fara – perffaith ar gyfer brecwast, cinio neu swper!
Dyma wledd gyflym a blasus iawn ar gyfer dydd gŵyl San Steffan sy’n defnyddio twrci dros ben, a gellir ei weini gydag unrhyw lysiau gwyrdd sydd dros ben. Gwnewch yn siŵr bod gennych chi ychydig o fara crystiog i'w dipio yn y saws hefyd!
Yn yr achos hwn, mae wedi'i wneud â risoto madarch gwyllt sydd dros ben a hen dafelli o fara gwyn. Mae’n grensiog ar y tu allan gyda rhosmari a rhannau trioglyd o fadarch a chaws ar y tu mewn. Perffaith!
Dyma bastai bysgod sy’n defnyddio topin crwst nad oes angen ei rolio, dim ond ei gratio!
Lluniwyd y rysáit cawl clasurol gan ein partner, Chefs @ School, i gael disgyblion i feddwl am fwyd a sut i'w arbed rhag mynd i’r bin. A fyddech chi'n rhoi cynnig arni gyda'ch rhai bach?
Dyma bryd teuluol blasus ar gyfer canol yr wythnos sy’n defnyddio cynhwysion o’r cwpwrdd bwyd a sbeisys gyda pheli cig ychwanegol i’w rhewi ar gyfer ail bryd.
Mae'r fersiwn cyflym hwn o bitsa yn flasus, yn gyflym i'w wneud ac yn amlbwrpas. Gallwch ddefnyddio pob math o gynhwysion a'i lwytho â llawer o wahanol dopin.
Mae’r rhain yn ffefryn ymysg plant, ac yn defnyddio gorchudd crimp wedi'i wneud o gaws dros ben a briwsion bara wedi'u gwneud o fara sydd ychydig yn hen.
Gellir rhoi ail fywyd i'r rhan fwyaf o lysiau gan ddefnyddio’r rysáit wych hon, sy'n berffaith ar gyfer cinio neu swper ysgafn.
Cadwch eich oergell ar 5°C neu’n oerach
Wyddoch chi y gallai newid tymheredd eich oergell helpu i gadw eich bwyd am dri diwrnod yn hirach nag arfer? Dyna ichi lwyddiant ar gyfer cadw eich bwyd yn ffres yn hirach. Gall ein teclyn tymheredd oergell eich helpu i ddysgu sut i newid y tymheredd ar eich brand oergell penodol chi.