Ciwcymbr
Dyma fwyd poblogaidd yn y Deyrnas Unedig; mae ciwcymbr yn llawn microfaetholion ac yn gynhwysyn sylfaenol mewn salad a brechdanau. Mae ciwcymbrau yn rhan o’r un teulu â courgette, pwmpen a melon dŵr.
Sut i'w storio
Sut i storio ciwcymbr ffres
Storiwch giwcymbr yn ei becyn gwreiddiol yn yr oergell.
Ni allwch rewi ciwcymbr
Nid yw ciwcymbr yn addas i’w rewi. Nid yw bwydydd gyda chynnwys dŵr uchel, fel letys a chiwcymbr, yn rhewi’n dda.
Ciwcymbr – tips gwych
Bwyta’r bwyd cyfan
Does dim angen plicio ciwcymbr na thynnu’r hadau. Dim ond ei olchi cyn ei ddefnyddio.
Bod yn wych gyda bwyd dros ben
Gallwch biclo ciwcymbr dros ben mewn dim ond 15 munud. Cymysgwch rubanau neu sleisys ohono gyda mesurau cyfartal o siwgr mân a finegr gwin gwyn ynghyd â’ch hoff berlysiau (mae dil yn arbennig o dda) neu sbeisys. Mae hwn yn flasus gyda physgod neu ar gyfer brechdanau.
Tips ar gyfer ei brynu
Prynwch becyn o’r maint iawn ar gyfer eich anghenion. Os nad ydych, neu na fyddwch, yn defnyddio ciwcymbr o faint safonol mewn pryd, rhowch gynnig ar un llai (gelwir y rhain yn giwcymbr ‘midi’ weithiau) – os oes rhai ar gael.
Dognau delfrydol
Defnyddiwch ein cyfrifydd dognau - dyma ffordd syml a chyflym o wirio faint o’r bwyd hwn i’w weini fesul pryd bwyd.
Rhoi gwerth ar fwy na phris eich Ciwcymbr
Daioni mewn bwyd
Mae eich bwyd yn fwy na’i siâp, ei liw, a’i bris. Mae gan eich bwyd ran bwysig i’w chwarae wrth eich cadw’n iach a rhoi digon o egni ichi fyw eich bywyd fel y dymunwch.
- Ffynhonnell o fitamin K, y mae’r corff ei angen ar gyfer ceulo gwaed ac mae’n helpu briwiau i wella.
- Mae ciwcymbr yn cynnwys nifer o fwnau yn cynnwys potasiwm, sy’n helpu cyhyr y galon weithio’n iawn, a magnesiwm sy’n helpu i droi’r bwyd a fwytawn yn egni.
- Mae cynnwys dŵr uchel mewn ciwcymbrau felly maen nhw’n helpu i hydradu’r corff.
Stori bwyd
Erbyn i’ch bwyd gyrraedd eich cartref, mae wedi bod ar gryn dipyn o siwrne’n barod, yn decrhau gyda chael ei wneud neu ei dyfu, a’i daith i’r archfarchnad wedyn.
Felly, da chi, helpwch ein bwyd i gyrraedd diwedd ei stori yn y ffordd fwyaf cynaliadwy bosibl, gan sicrhau bod adnoddau ein planed sydd eisoes wedi cael eu defnyddio’n cael eu defnyddio’n ddoeth. Gofalwch am eich bwyd pan fo yn eich cartref, gan sicrhau bod pob tamaid bwytadwy’n cael ei fwyta - ac nad yw’ch bwyd yn mynd i’r bin!
Beth am roi cynnig ar y rysetiau blasus hyn i ddefnyddio Ciwcymbr
Os oes gennych chi lysieuwyr yn dod i'ch parti, byddan nhw wrth eu bodd â'r rhain; am fyrbryd mwy sylweddol gellir eu gweini hefyd mewn poced pita cynnes gyda saws tsili a salad.
